მიმდინარე წლის 30 ოქტომბერს ქუთაისის მომხმარებელთა დახმარების ცენტრმა არაჟნისა და კარაქის ნიმუშები შეიძინა მათში რძის ცხიმის შემცველობის გადამოწმების მიზნით.

ცენტრის წარმომადგენლებმა შემდეგი ნიმუშები შეიძინეს ბუხაიძის ქ. #23-ში მდებარე შპს „უნივერსალში“:

პროდუქტის დასახელება	ლაბორატორიული კვლევის შედეგი
ნაღების კარაქი „ტიფლისი“, 82,5% (მწარმოებელი: შპს „ტიფლისი 2011“)	რძის ცხიმის მასური წილი - 80%
უმარილო მჟავე ნაღების კარაქი „პრეზიდენტი“, 82% (წარმოებულია საფრანგეთში, იმპორტიორი: შპს „ლაქტალის ჯორჯია“)	რძის ცხიმის მასური წილი - 80,4%
უმაღლესი ხარისხის ნაღების კარაქი „ვალიო“, 82% (წარმოებულია ფინეთში, იმპორტიორი: შპს „ევრო პროდუქტი“)	რძის ცხიმის მასური წილი - 70.8%
არაჟანი „ექსტრა სანტე“ (მწარმოებელი შპს „სანტე ჯი-ემ-თი პროდუქტები“)	ცხოველურთან ერთად აღმოჩნდა მცენარეული ცხიმი
არაჟანი „სოფლის ნობათი“, 15% (მწარმოებელი „ვიმ-ბილ-დან საქართველო“)	აღმოჩნდა მხოლოდ რძის ცხიმი
არაჟანი მილკო–ფუდი „ბიფიდო“ 20%, (მწარმოებელი: შპს „ჯორჯიან მილკი“)	ცხოველურთან ერთად აღმოჩნდა მცენარეული ცხიმი

როგორც შედეგებიდან ჩანს, „სანტესა“ და „მილკო-ფუდის“ არაჟანში მცენარეული ცხიმიც აღმოჩნდა. რძისა და რძის ნაწარმის ტექნიკური რეგლამენტის მიხედვით, არაჟანი მხოლოდ რძის ნაღების შედედებით იწარმოება და მასში მცენარეული ცხიმის მინარევის არსებობა დარღვევაა[1].

რაც შეეხება კარაქს, გამოცდის მეთოდის 3%-იანი ცდომილების გათვალისწინებით, „ტიფლისი“ და „პრეზიდენტი“ ნამდვილად რძის პროდუქტებად შეიძლება ჩაითვალოს, ხოლო „ვალიოში“ რძის ცხიმის მხოლოდ 70.8%-იანი შემცველობა დარღვევაზე მიუთითებს.

დარღვევების შესახებ ეცნობა მეწარმეებსა და სურსათის ეროვნულ სააგენტოს.