ჭიათურაში შშმ პირთა დღისადმი მიძღვნილი ღონისძიება გაიმართა. ორგანიზატორი ჭიათურის მუნიციპალიტეტის თვითმმართველობა იყო. კონცერტს იმერეთის გუბერნატორი გივი ჭიჭინაძე დაესწრო.
_ სამწუხაროდ, შშმ პირთა მდგომარეობა არადამაკმაყოფილებელია იმერეთში. შედარებით უკეთესი მდგომარეობაა ქუთაისში. დღეს ამ ბავშვებმა აჩვენეს, რომ მათ ძალიან ბევრი შეუძლიათ. მართალია, გამგეობის შენობა ჭიათურაში ადაპტირებულია, მაგრამ გაცილებით მეტია გასაკეთებელი მთელ მხარეში, _ აღნიშნა ჩვენთან საუბარში გივი ჭიჭინაძემ.
ღონისძიებას ფინანსური მხარდაჭერა გაუწია აშშ-ში არსებულმა ემიგრანტულმა გაერთიანება „თვისტომმა“ (ხელმძღვანელი ნიკოლოზ ჩხეიძე).