საიტი მუშაობს ტესტირების რეჟიმში
სპონსორი: PSnewsGE
სოციალურად დაუცველი თბილისელი სტუდენტები 100%-ით დაფინანსდებიან
2015/11/29 16:33:47

თბილისის მუნიციპალიტეტის საკრებულოს განათლებისა და კულტურის კომისიის თავმჯდომარის, თამარ ტალიაშვილის განცხადებით, მაღალი აკადემიური მოსწრების მქონე სოციალურად დაუცველი სტუდენტების დაფინანსება 100%-მდე გაიზრდება;

 

„თბილისის საკრებულომ დღეს სოციალურად დაუცველი სტუდენტების დაფინანსების წესი დაამტკიცა, რომლის მიხედვითაც მაღალი აკადემიური მოსწრების მქონე სტუდენტებს სწავლის 100%-იანი დაფინანსების შესაძლებლობა ეძლევათ. მოცემული კრიტერიუმით ჩვენ სოციალური შემწეობის პროგრამა დამატებით გრძელვადიან საგანმანათლებლო ეფექტის მქონე ინიციატივად ვაქციეთ.

 

ერთმნიშვნელოვნად, ეს არის სოციალურად დაუცველი ოჯახების პირობების გაუმჯობესება, ვინაიდან ისინი განსაკუთრებულ მზრუნველობას საჭიროებენ და ეს ჩვენი ხელისუფლების პრიორიტეტია. ამ წესის თანახმად, სტუდენტები დაფინანსებას 2016 წლის 1 იანვრიდან მიიღებენ.

 

დღემდე, სოციალურად დაუცველი სტუდენტები მუნიციპალური ბიუჯეტიდან, უმეტესწილად დამკვიდრებული პრაქტიკით, მხოლოდ 50%-ით ფინანსდებოდნენ. დღევანდელი მონაცემებით, 2015 წელს 1700-მდე სოციალურად დაუცველმა სტუდენტმა 50%-იანი დაფინანსება მიიღო. ახალი წესის თანახმად, 91-დან – 100-მდე საშუალო ქულის მქონე სოციალურად დაუცველი სტუდენტები 100%-ით დაფინანსდებიან, ხოლო 71–დან – 90-მდე საშუალო ქულის სტუდენტებს სწავლის საფასურის 70%-ით დაფარვის საშუალება ეძლევათ, 51-დან – 70-მდე ქულის მქონე სტუდენტებს კი 50%-ის.” – განაცხადა თამარ ტალიაშვილმა.

 

წყარო: http://studinfo.edu.aris.ge/

'.$TEXT['print'].'
სულ ნანახია - 6298
სხვა ამბები
ბოლოს იხილეს
მსგავსი სიახლეები
დამზადებულია Pro-Service -ის მიერ
© PSnews 1995 - 2020 საავტორო უფლებები დაცულია