26 ნოემბერს, სამოქალაქო განათლების პროგრამის ,,მომავლის თაობის''  ფარგლებში, წყალტუბოს მუნიციპალიტეტის სოფელ ბანოჯის საჯარო სკოლის სამოქალაქო კლუბი „ნორჩი დემოკრატები“ შშმ ბავშვთა დღის ცენტრ „ჯადოსნურ სამყაროს“ სტუმრობდნენ. სკოლის დირექტორმა ქალბატონმა ნინო წილოსანმა, სამოქალაქო კლუბის მეურვე პედაგოგმა შორენა მელაძემ და კლუბის წევრებმა ბავშვებს ზღაპრები წაუკითხეს. დღის ცენტრის ბავშვთა ჩართულობით მოეწყო ლიტერატურული კომპოზიცია, ერთად იცეკვეს და იმღერეს სტუმრებმა და მასპინძლებმა. 

შეხვედრის დასასრულს კლუბის წევრები ცენტრის ბავშვებს ტკბილეულით გაუმასპინძლდნენ. „ჯადოსნურ სამყაროში“ მართლაც ჯადოსნური დღე შედგა.