კომპანია „ვისოლი“ ქსელის გაფართოებას აგრძელებს. ამის დასტური გახლდათ დღეს, ქუთაისში, ნიკესა ქ#16-ში ახალი ინტეგრირებული ავტოგასამართი სადგურის გახსნა. კომპანია მომხმარებელს ნავთობპროდუქტების ფართო არჩევანთან ერთად, საშუალებას აძლევს, რომ ავტოგაზითაც ისარგებლოს.
,,ვისოლ პეტროლიუმ ჯორჯია" ერთადერთი ნავთობკომპანიაა საქართველოში, რომელმაც ინტეგრირებული ავტოგასამართი სადგურები დანერგა ქვეყანაში.
,,მოხარულნი ვართ, რომ საშუალება გვაქვს, ადგილობრივ მომხმარებელს ნავთობპროდუქტების ფართო არჩევანთან ერთდ, ალტერნატიული, ეკონომიური საწვავიც შევთავაზოთ. „ვისოლ ჯგუფმა’, როგორც საზოგადოებაზე მზრუნველმა კომპანიამ, გადაწყვიტა, გააფართოვოს ინტეგრირებული ავტოგასამართი და გაზგასამართი სადგურების ქსელი. დღეს გავეხსენით რიგით მეშვიდე სადგური ქუთაისში.
ჩვენ გვაქვს მულტიფუნქციური შენობა, სადაც მომავალში განთავსდება ,,სმარტის" სუპერმარკეტი. საბოლოოდ კი, აღნიშნულ ობიექტზე დაახლოებით ასამდე ადამიანი დასაქმდება", - განაცხადა ჟურნალისტებთან საუბრისას ,,ვისოლ პეტროლიუმ ჯორჯიას" გენერალურმა დირექტორმა ვასილ ხორავამ.
ახალი ავტოგასამართი სადგურის მშენებლობისთვის ,,ვისოლმა" სამ მილიონ ლარამდე ინვესტიცია განახორციელა. პროდუქტისა და მომსახურების ხარისხის ნორმები ტრადიციულად ევროპულ სტანდარტებს შეუსაბამა. მაღალტექნოლოგიური საწვავის მიწოდების ავტომატიზაციის სისტემა, რომლითაც ,,ვისოლის" ყველა ავტოგასამართი სადგურია აღჭურვილი, 100% სიზუსტით ახდენს მომხმარებლისთვის საწვავის მიწოდებას.
ამ დროისთვის ახალ ავტოგასამართ სადგურზე დასაქმებულია 25-მდე ადამიანი, რომელთაც შესაბამისი ტრენინგიც ჩაუტარდა.
(R)