სამოქალაქო განათლების პროგრამის ,,მომავლის თაობის'' ფარგლებში, ქუთაისის განათლების განვითარების და დასაქმების ცენტრის ინიციატივით რაჭა–ლეჩხუმისა და ქვემო სვანეთის რეგიონის პროგრამის პარტნიორი სკოლების სამოქალაქო კლუბის წევრებმა ბავშვთა უფლებათა კონვენციის დღე –20 ნოემბერი აღნიშნეს. 

სამოქალაქო კლუბის ლიდერებმა დაწყებითი კლასის მოსწავლეებს ჰანს–ქრისტიან ანდერსენის ზღაპარი ,,ასანთის გამყიდველი გოგონა’’ წაუკითხეს. წაკითხული მასალის უკეთ გასააზრებლად კი მოსწავლეებს ბავშვთა უფლებათა კონვენციის მოკლე ვერსია დაურიგეს, მსმენელები ჯგუფებად გადაანაწილეს და დავალება მისცეს, ემსჯელათ, თუ უფლებათა კონვენციის რომელი მუხლები დაირღვა გოგონას მიმართ. პატარა მოსწავლეებმა თავიანთი აზრები ნახატებითაც გამოხატეს.