პოლონური ასოციაცია „დემოკრატიული აღმოსავლეთი“ უკვე რამდენიმე წელია, თანამშრომლობს საქართველოს რეგიონული მედიის წარმომადგენლებთან. მათ შორის – მედიასახლ „პოსტსკრიპტუმთან“. წელს პოლონელი მეგობრების პროექტის ფარგლებში „პოსტსკრიპტუმის“ ჟურნალისტიც იმყოფებოდა სტაჟირებაზე პოლონეთში, რეგიონული მედიის სხვა წარმომადგენლებთან ერთად.
ამჯერად კი პოლონური მედიის წარმომადგენლები „პოსტსკრიპტუმ“–ის ოფისს ქუთაისში ესტუმრნენ. პოლონური ასოციაციის „დემოკრატიული აღმოსავლეთი“ და კავკასიის ჟურნალისტთა საერთაშორისო ცენტრის პროექტის – „საქართველოს ადგილობრივი გაზეთები მობილურ სინამდვილეში“ ხელმძღვანელი აგნეშკა ნოვინკა და პოლონური ადგილობრივი გაზეთების გამომცემელი პიოტრ კრიშიაკი მედიის მმართველი რგოლის წარმომადგენლებს შეხვდნენ, ადგილზე გაეცვნენ რედაქციის საქმიანობას და მათ პრობლემებზე და საჭიროებებზე ისაუბრეს.
პოლონური პროექტის ხელმძღვანელები შეხვდენენ ასევე ინტერნეტგამოცემა „ოკრიბანიუსის“ ხელმძღვანელს, გიორგი სულაძეს, ხოლო მანამდე ლენტეხში გამომავალ გაზეთ „სვანეთსაც“ სტუმრობდნენ.
პროექტი დაფინანსებული პოლონეთის რესპუბლიკის საგარეო საქმეთა სამინისტროს 2015 წლის თანამშრომლობის განვითარების პროგრამის „დემოკრატიის მხარდაჭერა“ და თავისუფლების ფონდის პოლონურ-ამერიკული პროგრამა „ცვლილებები რეგიონში“ RITA-ფარგლებში, რომელსაც ახორციელებს ფონდი „განათლება დემოკრატიისთვის“.