შშმ ბავშვთა დღის ცენტრს ,,ჯადოსნური სამყაროს’’ ზღაპართოთახს მხატვარი ქრისტინე რობაქიძე ეწვია, ნიჭიერი ახალგაზრდა შემოქმედის სტუმრობა საინტერესოდ წარიმართა, ქრისტინემ ბავშვებს ორი ზღაპარი ,,სამი ძმის ამბავი’’ და ,,მუჭანახევარა’’ წაუკითხა.

ახალგაზრდა მხატვარი დღის ცენტრის ბენეფიციართა ნახატებით და ,,ართ–თერაპიის კურსის’’ შინაარსით დაინტერესდა. პროგრამის ფარგლებში ქრისტინემ შშმ ბავშვთა დღის ცენტრის წარმომადგენლებს ერთობლივი ღია გაკვეთილის ჩატარების იდეის შესახებ ესაუბრა. ახალგაზრდა მხატვრის სახვითი ხელოვნების გაკვეთილი ნოემბრის ბოლოს დაიგეგმა.