ბრიუსელში, საქართველოს მოქალაქემ საკუთარი მეუღლე შვილების თანდასწრებით მოკლა, - ამის შესახებ ინფორმაციას საზოგადოებრივი მაუწყებლის ჟურნალისტმა ქეთი ქარდავან სოციალურ ქსელში გაავრცელა.
ჟურნალისტის თქმით, მოკლულ ხათუნა ტ.-ს მეუღლე პოლიციას თავად ჩაბარდა. ხათუნა ტ.-ს სამი შვილი დარჩა, მათ შორის უმცროსი 2 წლისაა.
"ინტერპრესნიუსი" ბრიუსელში მყოფ ქეთი ქარდავას ესაუბრა, რომლის ინფორმაციითაც, მკვლელობის შემდეგ, სასწრაფო დახმარება თვითმხილველმა ბავშვებმა გამოიძახეს, თუმცა ხათუნა ტ-ს გადარჩენა ვერ მოხერხდა.
ამასთან, ჟურნალისტის ცნობით, მომხდარის შემდეგ, ბრალდებული მიიმალა. პოლიციამ ძებნა გამოაცხადა, თუმცა, დანაშაულის ჩადენიდან რამდენიმე საათში მკვლელობაში ბრალდებული პოლიციას ჩაბარდა.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი