დღეს, 22 ოქტომბერს, შშმ ბავშვთა დღის ცენტრ „ჯადოსნური სამყაროს“ ზღაპართოთახს ნუგეშა გაგნიძე ეწვია. საერთაშორისო ქალთა ორგანიზაცია „სოროპტიმისტ ინტერნაციონალი – ქუთაისი კოლხას“ ეგიდით მობრძანებულმა სტუმარმა, აკაკი წერეთლის სახელმწიფო უნივერსიტეტის პროფესორმა, გერმანისტმა დღის ცენტრის აღსაზრდელებს საკუთარი ბავშვობის შესახებ უამბო და თავისი ბავშვობის რჩეული ზღაპრები „კოკორი“ და „წყლის დედოფალი“ წაუკითხა, რუსული და ბრაზილიური ზღაპრების შემდეგ კი ბავშვების თხოვნით კიდევ ერთი სოფი დე მიულენჰიემის ზღაპარი „ჩუ, დაძინება გვინდა“ უამბო მათ.

ქალბატონმა ნუგეშამ შთაბეჭდილებების წიგნში განსაკუთრებული ემოციები ასახა და ბავშვებს დაპირდა, რომ მალე საერთაშორისო ქალთა ორგანიზაცია „სოროპტიმისტ ინტერნაციონალი – ქუთაისი კოლხას“ წარმომადგენლებთან ერთად ეწვევა.