ბოტანიკური ბაღის ეთნოგრაფიულ კუთხეში არსებულ ”იმერულ სახლში,” საშუალო სკოლა ”ლამპარის" სამოქალაქო კლუბისა (რომელიც დაფუძნდა სამოქალაქო განათლების პროგრამის ,,მომავლის თაობის'' ფარგლებში) და ქართული ენისა და ლიტერატურის პედაგოგის ანა არველაძის ინიციატივით საინტერესო პოეზიის საღამო გაიმართა. საღამოზე საკუთარი ლექსები სკოლის მოსწავლეებმა, პედაგოგებმა და მოწვეულმა ახალგაზრდა პოეტებმა პაპუნა რევიშვილმა და ბესარიონ ჩანქსელიანმა წაიკითხეს. საღამოს შემდგომ გაფორმდა ურთიერთთანამშრომლობის მემორანდუმი სკოლა ”ლამპარსა” და ბოტანიკურ ბაღს შორის.