სამოქალაქო განათლების პროგრამის ,,მომავლის თაობის'' ფარგლებში, წყალტუბოს მუნიციპალიტეტის სოფელ ბანოჯის საჯარო სკოლის სამოქალაქო კლუბ „ნორჩი დემოკრატების“ ინიციატივით ჩატარდა პერფორმანსების დღე.
VII-XI კლასის მოსწავლეებმა ზღაპრების „ნაცარქექიას“, „სიზმარას“, „წითელქუდუშკუნას“, „კონკიას“, „მძლეთამძლეს“ პერსონაჟების გათანამედროვებული გმირებით წარმოაჩინეს თანამედროვე საზოგადოებაში არსებული მანკიერი მხარეები, გამოხატეს საკუთარი დამოკიდებულება ოჯახური ძალადობის, ნაადრევი ქორწინების, გარემოსადმი გულგრილი დამოკიდებულების, ტრეფიკინგის მიმართ. აქტივობის მიზანი იყო როლური თამაშებით მოსწავლეთა მოქალაქეობრივი ცნობიერების ამაღლება.