3 ოქტომბერს 12: 00 საათზე სპორტის სასახლეში იხსნება ღია საქალაქო ჩემპიონატი ქუთაისის ადმინისტრაციულ ერთეულებს შორის. აღნიშნული ტურნირი სპორტის განყოფილების საპილოტე პროექტის „სპორტული კვირეულის“ ფარგლებში დაიგეგმა.
შეჯიბრებები 3-დან 11 ოქტომბრის ჩათვლით სპორტის 5 სახეობაში გაიმართება: მინი-ფეხბურთი, კალათბურთი 3X3, მაგიდის ჩოგბურთი, მძლეოსნური გარბენი, ჭადრაკი.
პროექტში მონაწილეობის მიღების უფლება აქვს მხოლოდ მოყვარულ სპორტსმენებს 18 წლის ასაკიდან.