საიტი მუშაობს ტესტირების რეჟიმში
სპონსორი: PSnewsGE
შეფასება
„როცა უგულავა იყო ხელისუფლებაში, მაშინ კანონის უზენაესობა საერთოდ არ არსებობდა და ადამიანის უფლებები არავის აინტერესებდა"
2015/09/23 09:23:33

„მაშინ არის ადამიანის უფლებები მნიშვნელოვანი, როცა ხელისუფლებაში აღარ  ხარ  და ხელისუფლებაში როცა  ხარ მოსულა ადამიანის დაჩაგვრა?“- ეს განცხადება მწერალმა დათო ტურაშვილმა გადაცემა „მაესტროს ფაქტორში“ გააკეთა.

 

მისი თქმით, წინა ხელისუფლების დროს ჩადენილი კანონდარღვევები და უსამართლობები ახლანდელმა არ უნდა გაიმეოროს, არც მათ მიმართ, ვინც ამას სჩადიოდა. მწერლის აზრით, თუკი შურისძიების გზას დავადგებით, სახელმწიფოს აშენებას ვერ შევძლებთ.

„ადამიანები სახელმწიფოსთან დაპირისპირებაში სასამართლო პროცესში  იმარჯვებენ, ასეთი რამ წინა ხელისუფლების დროს წარმოუდგენლი იყო. 99.9 % იყო გამამტყუნებელი განაჩენი. ასეთი რამ აღარ ხდება და ეს კარგია, მაგრამ ადამიანებს ყველაფერი სწრაფად გვინდა ის აღარ გვაკმაყოფილებს, რომ წინას დღევანდელი ვითარება სჯობს.  მე  მაგალითად, მინდა აღარავინ ერეოდეს სასამართლოს საქმიანობაში და საერთოდ დამოუკიდებელი იყოს სასამართლო, თუნდაც უგულავასთან დაკავშირებით. უგულავა როცა იყო ხელისუფლებაში, იმ ხელისუფლებას საერთოდ არ აინტერესებდა ადამიანის უფლებები, კანონის უზენაესობა საერთოდ არ არსებობდა. მხოლოდ იმ გადაწყვეტილებას იღებდა სასამართლო, რომელიც ხელისუფლებას სურდა. მაგრამ ეს არ ნიშნავს, რომ ჩვენც ასევე უნდა გავაკეთოთ და  იმ ხელისუფლების წარმომადგენელს პატიმარი იქნება, თუ არაპატიმარი მოვექცეთ ისე, როგორც თავად იქცეოდნენ.

 ჩვენ უნდა გადავწყვიტოთ სახელმწიფოს შექმნა გვინდა თუ შურისძიება.  თუ სახელმწიფოს შექმნა გვინდა, იმ ადამიანებსაც კი, რომლებიც ჩვენ ან სხვებს ცუდად გვექცეოდნენ, იმათაც უნდა მოვექცეთ მხოლოდ სამართლებრივი გზითა და კანონის ფარგლებში. არ მინდა ვიყო შურისმაძიებელი, თორემ ძალინ კარგად მახსოვს როგორ იქცეოდა წინა ხელისუფლება, არა მხოლოდ ოპოზიციის, ან პატიმრების, ზოგადად განსხვავებულად მოაზროვნის მიმართ, ნებისმიერი განსხვავებული აზრის  წინააღმდეგ იყენებდნენ მხოლოდ ძალას. მე იმ ადამიანებისაც მესმის, ვინც საშინელებები გამოიარა და ასეთი ბევრია, რადგან ათეული ათასობით უკანონო პატიმარი გვყავდა,  ადამიანებს ყოველგვარი მტკიცებულების გარეშე აძლევდნენ საშინელ სასჯელებს.

ახლა გოგა ხაჩიძისგან ძალიან ხშირად მესმის, რომ მარიხუანის დეკრიმინალიზებას ითხოვს. ეს არის აბსოლუტურად სამართლიანი მოთხოვნა, რადგან ველურებივით ვცხოვრობთ, შეიძლება ერთი ნაფაზისთვის 10 წელის მიცემა? მაგრამ ძალიან მიკვირს თვითონ რომ იყვნენ ხელისუფლებაში, რატომ არ იცავდნენ ადამიანის უფლებას, სად იყვნენ მაშინ?  თვითონ აძლევდნენ საშინელ სასჯელს. ახლა კი მომწონს რომ აქტიურობენ, რადგან ოპოზიცია რომ არ აქტიურობდეს ხელისუფლება უარესს ჩაიდენდა, ეს ჩვეულებრივი ამბავია. აბა, თუ მიუშვი ვინ დაგაცდის კაი ცხოვრებას? იგივე დაემართებათ, რაც წინა ხელისუფლებას. მომწონს ახლა ოპოზიციის აქტიურობა, მაგრამ წინათ რატომ არ უჩნდებოდათ ეს პროტესტი, მაშინ არის ადამიანის უფლებები მნიშვნელოვანი, როცა ხელისუფლებაში აღარ  ხარ  და ხელისუფლებაში როცა  ხარ მოსულა ადამიანის დაჩაგვრა?

განსხვავებულის  და ზოგადად განსხვავებული აზრის მიღება  უჭირთ.  სულ მახსენდება ვაჟა-ფშაველა, ამაზე კარგი პედაგოგიკა რა უნდა იყოს, ის გვასწავლის, რომ ადამიანი მიხვდეს - შენგან რადიკალურად რომ განსხვავდება ადამიანი და მისი აზროვნება, იმისი თანაარსებობა აღიარო ერთსა და იმავე სივრცეში. ვაჟამ ერთი საუკუნით გაუსწრო ევროპას, ამერიკას, ყველას. ბავშვობაში მისი ერთი ლექსი წავიკითხე „ის კი არ არის ბიჭობა“ მას შემდეგ პოზიცია არ შემცვლია, ყოველთვის იმის მხარეს ვარ ვისაც ჩაგრავენ. იმ ხელისუფლების დროს ვისაც ისინი ჩაგრავდნენ მათკენ ვიყავი, ახლა უგულავას თუ დაჩაგრავენ და არასამართლებრივად მოექცევიან, მისკენაც ვიქნები. - განაცხდა დათო ტურაშვილმა.

 

წყარო: 

http://sazogadoeba.ge/
'.$TEXT['print'].'
სულ ნანახია - 18959
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2019 საავტორო უფლებები დაცულია