ბავშვთა ფსიქოლოგები დიდი ხანია ამბობენ, რომ თუ სწავლისადმი მიდგომა შეიცვლება, ბავშვები მაშინვე შეიყვარებენ სკოლას. სკოლამდელი ასაკის ბავშვი აღფრთოვანებით ამბობს, რომ სურთ მერხთან ჯდომა და ზურგჩანთით გაკვეთილებზე სირბილი. ჩვენც ასე ვოცნებობდით ოდესღაც. მაგრამ სწავლის დაწყებისთანავე გვიპყრობდა უიმედობა: არავითარი ზედმეტი ლაპარაკი, სათამაშოები და მთავარი მოთხოვნა – ჩუმად ჯდომა მერხთან.
ფინეთის ერთ-ერთ სკოლაში სასწავლო პროცესი ძირფესვიანად შეიცვალა. სკოლა თანამედროვე ხელოვნების მუზეუმს უფრო წააგავს. აქ არქიტექტორები განერიდნენ მოსაწყენ დაგეგმარებას და კლასებად დაყოფას.
10500 კვადრატულ მეტრზე განთავსებულია დაწყებითი და საშუალო სკოლა, ახალგაზრდული სახლი, თეატრალური დარბაზი, სასადილო, ბიბლიოთეკა, სპორტული დარბაზი და სხვა მრავალი. სასწავლო პროცესი თავისუფალ ატმოსფეროში მიმდინარეობს. მოსწავლეებს არ ეკრძალებათ მათთვის სასურველ პოზაში ჯდომა, რაც საგაკვეთილო პროცესში მეტ ჩართულობას განაპირობებს.
ყველა ბავშვს სადაც მოესურვება და როგორც გადაწყვეტს ისე ზის. გაკვეთილის მსვლელობის დროს დისკუსია და ურთიერთობა წახალისებულია.
სასკოლო მერხები მოსწავლის სიმაღლის მიხედვით, ბორბლებზე რეგულირდება და მათი საშუალებით მოსწავლეებს კლასის ნებისმიერ კუთხეში გადაადგილება შეუძლიათ.
მსურველებს უფლება აქვთ წამოწვნენ დივანზე. სასკოლო დაფის როლს აქ ნოუთბუქი ასრულებს, რომელიც საერთო ქსელშია მიერთებული და მასწავლებელთან უწყვეტი კომუნიკაციის საშუალებას იძლევა.
სასადილო სივრცე აქ საგანმანათლებლო პროცესის ყველა წარმომადგენლის შეხვედრის ადგილია. აქვე მდებარეობს სცენა, რომელიც წარმოადგენს მაყურებელთა დარბაზს კონცერტებისა და ფესტივალების მიმდინარეობის დროს.
სკოლის ეზო მაქსიმალურად მოწყობილია იმისთვის, რომ დიდი დასვენების დროს, ბავშვებს სეირნობა შეეძლოთ, ის დაყოფილია ასაკობრივ ზონებად.
საღამოობით, სკოლა მთელი რაიონის დასვენების და სპორტის ცენტრად გარდაიქმნება. აქვე იხსნება სახელოსნოები, სპორტული დარბაზები და კლუბები.
შენობების ინტერიერების და ფასადების მოსაპირკეთებლად არქიტექტორებმა ეკოლოგიურად სუფთა მასალები გამოიყენეს. რომელიც თბილ და კომფორტულ ატმოსფეროს ქმნის.
სკოლის ეზო ღიაა, არ დგანან დაცვის თანამშრომლები. ვიდეოკამერები კი შეუმჩნევლად არის დამონტაჟებული.
ასეთ სკოლებში, რომლებიც სწავლების კლასიკურ ფორმას გაემიჯნენ, ბავშვებს აქტიურად ემატებათ სწავლისუნარიანობა და უმცირდებათ ნერვული დაძაბულობა, რომელიც სასკოლო ასაკისთვის არის დამახასიათებელი. ამის გარდა, იცვლება სოციალური სიტუაცია მთელ რაიონში, რადგან სახელოსნოებში, კლუბებსა და სპორტულ კომპლექსებში ადგილობრივ საზოგადოებას ნებისმიერი მიმართულებით განვითარების შესაძლებლობა აქვს.
წყარო: adme.ru