საქართველოს განათლებისა და მეცნიერების სამინისტროს განცხადება
საქართველოს განათლებისა და მეცნიერების სამინისტრო უარყოფს გავრცელებულ ინფორმაციას გურიის რეგიონის სკოლებში სასწავლო პროცესის შეჩერებასთან დაკავშირებით და აცხადებს, რომ რეგიონის ყველა სკოლაში სასწავლო პროცესი სასკოლო სასწავლო გეგმის შესაბამისად მიმდინარეობს.
სამინისტრო ასევე განმარტავს, რომ თითოეული საჯარო სკოლა სასწავლო პროცესს თავად მართავს ანუ, სკოლა ინდივიდუალურად ადგენს გაკვეთილების განრიგს. შესაბამისად, იმ შემთხვევაში, თუ დღეს რომელიმე სკოლამ სასწავლო პროცესი 12:30 საათზე დაასრულა, სკოლას საგაკვეთილო პროცესი ასეთი განრიგით ჰქონდა გაწერილი.