მათი სიყვარულის ისტორია დაახლოებით ორი წლის წინ, თოვლიან სათაფლიაზე დაიწყო.
გიგა შუბითიძე მთასვლელთა და მოგზაურთა კლუბის „თეთნულდის’’ ერთ-ერთი დამფუძნებელია, შორენა ლაღაძე კი ტელე-რადიო კომპანია“რიონის’’ ჟურნალისტი.
ექსტრიმი და ბუნების სიყვარული წყვილის ურთიერთობის ორწლიან პერიოდს თან სდევდა. გიგამ საყვარელ ქალს ხელი ზღვის დონიდან 4000 მეტრზე, მწვერვალ თეთნულდის პლატოზე სთხოვა, ხოლო ჯვრის დაწერა წყვილმა მისტიურ ხვამლის მთაზე გადაწყვიტა. ჯვრისწერა 2015 წლის 29 აგვისტოს ხვამლის წმინდა გიორგის სახელობის ტაძარში შედგა.
ჩვენი რედაქცია ულოცავს "ექსტრემალურ" წყვილს ოჯახის შექმნას და ბედნიერ მომავალს უსურვებს.