გრაკლიანის გორაზე აღმოჩენილი 2800 წლის წინ გაკეთებული წარწერა, რომელმაც შესაძლოა, მსოფლიო დამწერლობების აქამდე ცნობილი ისტორია შეცვალოს, სპეციალისტებმა ისევ მიწით დაფარეს.
უნიკალურ წარწერაზე სამუშაოების გაგრძელება ვერ ხერხდება. მიზეზი თანხების ნაკლებობა. ექსპედიციის ხელმძღვანელის თქმით, სამუშაოებისთვის საჭირო თანხების მარაგი ამ ეტაპზე ამოიწურა.
ექსპედიციის ხელმძღვანელმა კულტურის მინისტრისგან სამუშაოების დაფინანსების პირობა მიიღო. თუმცა, არავის დაუკონკრეტებია დრო, თუ ბიუჯეტიდან თანხა როდის გამოიყოფა.
არქეოლოგიური სამუშაოებისთვის წელს თანხები რომ ამოიწურა, კარგად იცის კულტურის მინისტრმაც. მიხეილ გიორგაძე აღმოჩენის დასაფინანსებლად თანხებს, სავარაუდოდ, მომავალ წელს მოიძიებს და სამუშაოებიც განახლდება.
ვიდრე 2016 წლის ბიუჯეტი დამტკიცდება, უძველესი წარწერის განადგურების საფრთხე ყოველდღიურად იზრდება. დღეს წარწერა, რომელიც გუშინ მიწის ზემოთ იყო, გაურკვეველი დროით ისევ მიწით დაფარეს.
წყარო: http://rustavi2.com/