„მეორადი ჩარიცხვები არ განხორციელდება, შესაბამისად, შეფასებისა და გამოცდების ეროვნული ცენტრი აპლიკანტებს ურჩევს ფაკულტეტების ჩამონათვალში მიუთითონ ყველა ის პროგრამა, რომლებზეც მათ მიერ არჩეული საგნები ბარდება და რომელთაც მეორადი ჩარიცხვებისას აირჩევდნენ",- განაცხადა დღეს, 10 აგვისტოს შეფასებისა და გამოცდების ეროვნულ ცენტრის ხელმძღვანელმა, მაია მიმინოშვილმა.
აბიტურიენტებს ცვლილებების განხორციელება 12 აგვისტოს 18:00 საათამდე ელექტრონულად შეეძლებათ.
12 აგვისტოს (18:00 საათზე) იწურება სააპელაციო განაცხადების მიღების ვადაც.
2015 წლის საგამოცდო პროცესი 2 ივლისს ქართული ენისა და ლიტერატურის გამოცდით დაიწყო და 22 ივლისს დასრულდა.
ერთიანი ეროვნულ გამოცდებზე წელს 40 000-მდე აბიტურიენტი დარეგისტრირდა.