საიტი მუშაობს ტესტირების რეჟიმში
სპონსორი: PSnewsGE
ვიზიტორთა რიცხვი, ვინც ქვეყანაში 24 საათზე მეტი ხნით რჩება, 0.7%-ით შემცირდა
2015/08/03 15:26:05

საქართველოს შინაგან საქმეთა სამინისტრომ 3 აგვისტოს საქართველოს საზღვარზე გადაადგილებული ვიზიტორების რაოდენობის შესახებ ანგარიში გამოაქვეყნა. ანგარიშის მიხედვით წელს საქართველოს ტერიტორიაზე შემოსული ვიზტორების რაოდენობამ 3.06 მილიონი შეადგინა, რაც წინა წლის მონაცემებს 4.9%-ით აღემატება, თუმცა ვიზიტორებიდან იმ ადამიანთა რაოდენობა ვინც საქართველოს ტერიტორიაზე 24 საათზე მეტ ხანს რჩება 2014 წელთან შედარებით 0.7%-ით არის შემცირებული და 1.19 მილიონი შეადგინა.

 

ქვეყნების მიხედვით საქართველოში შემოსული ვიზიტორების სრული რაოდენობა კი ასე გამოიყურება:

1) თურქეთი 757 ათასი ვიზიტორი, -5.4%-იანი კლება

2) აზერბაიჯანი 741 ათასი ვიზიტორი, 8.3%-იანი ზრდა

3) სომხეთი 723 ათასი ვიზიტორი, 11.6%-იანი ზრდა

4) რუსეთი 482 ათასი ვიზიტორი, 12%-იანი ზრდა

5) უკრაინა 74 ათასი ვიზიტორი, 8.02%-იანი ზრდა

6) სხვა ქვეყნები 291 ათასი ვიზიტორი 2%-იანი ზრდა 

 

ტურიზმი გასული წლების განმავლობაში საკმაოდ მაღალი ზრდით გამოირჩეოდა: 2011 წელს იანვარ-ივლისის პერიოდში ვიზიტორთა რაოდენობის ზრდა 30% იყო, 2012 წელს ზრდამ 35%-ს მიაღწია, 2013 წელს ვიზიტორთა ნაკადი 21%-ით გაიზარდა. 2014 წელს ზრდა ხუთჯერ შემცირდა და 3.9% შეადგინა, 2015 წელს კი მაჩვენებელი მცირედით 4.9%-მდე გაიზარდა. შეადგინა.

 

ტურიზმი საქართველოს ეკონომიკის ერთ-ერთი მნიშვნელოვანი ნაწილია, მასზე საქართველოს მშპ-ის დაახლოებით 7% მოდის. ამასთანავე ტურიზმიდან მიღებული შემოსავლები უცხოურ ვალუტაშია ნომინირებული, რის გამოც ტურიზმი საქართველოში უცხოური ვალუტის შემოდინების ერთ-ერთ მნიშვნელოვან წყაროს წარმოადგენს.

 

ტურიზმში არსებული დაბალი ზრდის ერთ-ერთი მიზეზი საქართველოს მხრიდან ახალი სავიზო რეგულაციების დაწესებაა, რის გამოც მრავალი ქვეყნის მოქალაქეებს საქართველოში შემოსვლა მნიშვნელოვნად გაურთულდათ. მათ შორის არის ირანი, საიდანაც გასული წლის იანვარ-ივლისში 35 ათასი ვიზიტორი შემოვიდა, წელს კი ირანელი ვიზიტორების რაოდენობა 71%-ით შემცირდა და 11 ათასს შეადგენს. 

 

wyaro "tabula"

'.$TEXT['print'].'
სულ ნანახია - 6647
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2019 საავტორო უფლებები დაცულია