ქუთაისის მერიის საჩუქარი სოციალურად დაუცველ და წარჩინებულ ბავშვებს.

ქუთაისის მერიამ საზაფხულო ბანაკ ,,ციხისძირში“ ქუთაისიდან 70 სოციალურად დაუცველი და წარმატებული მოსწავლე გაუშვა. პირველი ნაკადი ბანაკში 10 დღეს დარჩება, მეორე ნაკადი კი ასევე 70 ბავშვი რამდენიმე დღეში გაემგზავრება ,,ციხისძირში“. ბანაკს ქუთაისის მერი შოთა მურღულია ერთი დღით გაჰყვა. ქალაქის მერმა ბავშვებთან ერთად მთელი დღე დაჰყო, და საბანაკო რეჟიმით იცხოვრა. ბავშვებმა შოთა მურღულიასგან სამახსოვრო საჩუქრები და სპორტული ინვენტარი მიიღეს. ბავშვების უსაფრთხოებისთვის ადგილზე მაშველებიც იმყოფებიან.