ზუსტად ერთი თვის წინ მომხდარი სტიქიის გამო უკანა ფშავის 11 სოფელი გარესამყაროს მოწყდა.
ინტენსიური წვიმის გამო ადიდებულმა მდინარეებმა წალეკა გზები და სატრანსპორტო კომუნიკაცია შეწყდა შუაფხოს მიმართულებით (ეს ერთადერთი მარშრუტია იმისათვის, რომ უკანა ფშავის სოფლები დაუკავშირდეს გარესამყაროს).
დაახლოებით ორი კვირის წინ ვესაუბრეთ დუშეთის მუნიციპალიტეტის გამგებელს, ვაჟა ჩოხელს, რომელმაც აღნიშნა, რომ სათანადო სამუშაოებს ჩაატარებენ გზის გასაწმენდად.
უკანა ფშავის სოფელი ვაკისოფელი ამჟამად ორ სოფელთან (ჭალახევი, ელიაგზა) ერთად ითხოვს გზის დაახლოებით 4-5 კილომეტრიანი მანძილის გაწმენდას. ამ სოფლებში არა მარტო გზის პრობლემა, არამედ უდენობაც აწუხებს მკვიდრ და სეზონურ მოსახლეობას.
მოსახლეობის უმეტესობა მზის ბატარეებით ახერხებს მცირე ინფორმაციის მიღებას, არ ხერხდება მობილური კავშირგაბმულობაც.