ქუთაისში სამარშრუტო ხაზების მძღოლები გაიფიცნენ. ქალაქში მოძრაობა დილიდან შეფერხებულია. მძღოლების მთავარი მოთხოვნა კონკურსის ვადების გადაწევაა.
როგორც ცნობილია, 10-მდე ხაზზე კონკურსი თავიდანაა გამოცხადებული, რადგან ამ კომპანიებს არასრულყოფილი დოკუმენტაცია ჰქონდათ წარმოდგენილი. მძღოლებს კი მიაჩნიათ, რომ მერია მათ მიზანმიმართულად ჩამოცილებას და, ფაქტობრივად, უმუშევრად დატოვებას გეგმავს.
მერია კი რაიმე დათმობაზე წასვლას არ აპირებს და გაფიცვის გაგრძელების შემთხვევაში, საკუთარი ძალებით ტრანსპორტის შემოყვანას გეგმავს.