2 მაისობას ქუთაისელებთან ერთად უცხოელი სტუმრებიც ზეიმობენ. ქალაქს ისრაელის, ჩეხეთის, უნგრეთის, პოლონეთისა და საფრანგეთის საელჩოების წარმომადგენლები ეწვივნენ. სტუმრებს ქალაქის მერი შოთა მურღულია , იმერეთის გუბერნატორი გივი ჭიჭინაძე და საკრებულოს თავმჯდომარე დათო დვალი მიესალმენ.
„გვირილობის" დღესასწაულის ფარგლებში, მონ-პლაზირის თაღის მიმდებარე ტერიტორიაზე ფოტოგამოფენა "ქუთაისელი ქალბატონები" მოეწყო.
დავით კაკაბაძის სახელობის ქუთაისის სახვითი ხელოვნების გალერეაში საერთაშორისო გამოფენა „იდღეგრძელე საქართველო“ გაიხსნა.