დღეს ქუთაისში ტრადიციულად აღინიშნება ორმაისობა,  გვირილობის დღესასწაული. გილოცავთ ყველა ქუთაისელს და არამარტო ქუთაისელს, ყველას, ვისაც ქუთაისი უყვარს, ამ სიკეთის, სილამაზისა და სიყვარულის დღეს!

ქუთაისელები დღეს განსაკუთრებული ხელგაშლილობით ეგებებიან სტუმრებს და მთელი დღის მანძილზე სხვადასხვა გასართობ , ლამაზ და შემოქმედებით ღონისძიებებს სთავაზობენ მათ.

ორმაისობა  ბაგრატის ტაძრის ეზოდან დაიწყო მიტროპოლიტის ლოცვა–კურთხევით და
ქალაქის ცენტრალურ ბაღში მთელი დღის მანძილზე ყვავილების ფესტივალით გაგრძელდება

ქალაქის მერია დილიდანვე სტუმრების ოფიციალურ მიღებას იწყებს, მათ შორის დიპლომატიური კორპუსის წარმომადგენლებს უმასპინძლებს.

მერე კი ქალქის სტუმარ–მასპინძლებს მთელი დღის მანძილზე შეეძლებათ მათთვის სასურველ ღონისძიებებს დაესწრონ:

·         ქუთაისური გვირილების სანაცვლოდ ქველმოქმედება გასწიონ;

·         საქართველოში წარმოებული პროდუქციის გამოფენა - გაყიდვა მოინახულონ;

·         მონ პლაზირის მიმდებარე ტერიტორიაზე ხელნაკეთი აქსესუარების გამოფენა დაათვალიერონ;

·         სპორტის სასახლეში – სასკოლო სპორტული ოლიმპიადის ფინალურ მატჩებს დაესწრონ;

·         იუსტიციის სახლსა და პარლამენტს შორის.
საავტომობილო შეჯიბრი უყურონ;

·         პატივი მიაგონ სამი ოთარის ძეგლს;

·          პირველი სკოლის მიმდებარე ტერიტორიაზე წიგნების ფესტივალს ესტუმრონ და საყვარელი წიგნები შეიძინონ;

·         ცენტრალური ბაღში სპორტულ ღონისძიებებს დაესწრონ: –ქუჩის ხელბურთი, მაგიდის ჩოგბურთი, ბალახის ჰოკეი, ჭადრაკი, ტანვარჯიში,  აღმოსავლური ორთაბრძოლები;

·         მონ პლაზირის თაღის მიმდებარე ტერიტორიაზე ფოტოგამოფენა  დაათვალიერონ – „XIX საუკუნის ქუთაისელი ქალბატონების პორტრეტები“

·         მესამე სკოლის მიმდებარე ტერიტორიაზე პნევმატური იარაღით სროლაში გაივარჯიშონ;

·         ქუთაისის სახელმწიფო ისტორიული მუზეუმში ფიროსმანის გამოფენას ესტუმრონ;

·         აკაკი წერეთლის სახელმწიფო უნივერსიტეტში საჯარო ლექცია „ქუთაისი - საქართველოს მეორე დედაქალაქი“– მოისმინონ;

·         ქუთაისობის დღესასწაულის აღნიშვნა მუხრანის ტყეში განაგრძონ,  ქართული სამზარეულოს შედევრები დააგემოვნონ;

·         ბოტანიკური ბაღს ესტუმრონ და ნიკო მარის სახლ-მუზეუმის გახსნითა და იმერული ოდის პრეზენტაციით ისისმოვნონ.

·         ოქროს ჩარდახში ოთარ ქანდარიას გამოფენა დაათვალიერონ და ამ ისტორიულ ეზოში ცისფერყანწელებზე შექმნილჩაღლარის სკოლის ლიტერატურულ–კოსტიუმირებული კომპოზიციას დაესწრონ;

·         საღამოს კი ქუთაისის ცენტრალური მოედანზე გალა კონცერტით ისიამოვნონ, ხოლო შემდეგ ბაგრატის ტაძრის ეზოში „სურვილების ღამე“ მოიწყონ და ანთებული ფრანები გაუშვან...