სამოქალაქო განათლების პროგრამის ,,მომავლის თაობა'' ფარგლებში ქუთაისის განათლების განვითარების და დასაქმების ცენტრის ინიციატივით მოეწყო სასწავლო ვიზიტი საქართველოს უზენაეს სასამართლოში. ვიზიტში იმერეთის, პროგრმაში ჩართული საჯარო სკოლების მე–9, მე–10, მე–11 კლასის 30 მოსწავლე მონაწილეობდა.

უზენაეს სასამართლოში მეგზურობა მოსწავლეებს უზენაესი სასმართლოს თანამშრომელმა გულიკო გორთოიძემ გაუწია. მოსწავლეებმა დაათვალიერეს საქართველოს უზენაესი სასამართლოს ისტორიული შენობა, რომელიც მე–19 საუკუნის დასასრულს წარმოშობით პოლონელმა არქიტექტორმა ალექსანდრე შიმკევიჩმა რენესანსულ-ბაროკოს სტილზე შექმნა. ასევე გაეცვნენ შენობის ისტორიას, სასამართლო სისტემებს და კერძოდ, უზენაესი სასამართლოს სტრუქტურასა და საქმიანობას.