30 აპრილს, ქუთაისის განათლების განვითარების და დასაქმების ცენტრის ოფისში ,,შეზღუდული შესაძლებლობების მქონე პირთა განათლების და დასაქმების თანაბარი ხელმისაწვდომობის ადვოკატირების საპილოტე პროგრამის’’ ფარგლებში გაიმართა ტრენინგი პროფესიულ ორიენტაციაში. ტრენინგს დასაქმების კონსულტანტები სოფიო ონიანი და სოფიო კუპატაძე უძღვებოდნენ.
პროფესიული ორიენტაციის ტრენინგს პროექტის 10 ბენეფიციარი ესწრებოდა. ტრენინგის მონაწილეები გაეცვნენ CV და სამოტივაციო წერილის წერის სპეციფიკას.
საერთო ჯამში პროექტის ფარგლებში 60 შშმ პირი გაივლის პროფესიული ორიენტაციის ტრენინგს. თეორიული კურსის გარდა, დასაქმების კონსულტანტები ბენეფიციარებს ეხმარებიან რეზიუმესა და სამოტივაციო წერილის შედგენაში. გადიან გასაუბრების სიმულაციური თამაშებს.