მოკლული ბიზნესმენის ბესიკ ხარძიანის პირველი ოჯახი სკანდალურ განცხადებას აკეთებს.

 ხარძიანის ყოფილი მეუღლე და შვილები ამბობენ, რომ მკვლელობა ბესიკ ხარძიანის მისმა მეორე მეუღლემ ეკა ნონიკაშვილმა შეუკვეთა. ხარძიანის შვილი მიხეილ ხარძიანი ამბობს, რომ საფრთხე მის სიცოცხლესაც ემუქრება. ისინი ზეწოლასა და მუქარაზე საუბრობენ\

„პირადად მე მიმაჩნია, რომ მამა დააჭერინა ეკა ნონიკაშვილმა ქონების მითვისების გამო. მისი გარდაცვალებაც მიმაჩნია, რომ დაუკვეთა ნონიკაშვილმა“, - განაცხადა მიხეილ ხარძიანმა.

მოკლული ბიზნესმენის პირველი მეუღლე და შვილები გია უდესიანისთვის ბოდიშის მოხდას მოითხოვენ.მიხეილ ხარძიანი ასევე ყვება, რომ 5 დღის წინ გია უდესიანს შეხვდა, რომელმაც მყარი მტკიცებულებები წარუდგინა და აჩვენა ვიდეოჩანაწერი. ის მოუწოდებს ბესიკ ხარძიანის ოჯახის წევრებს, გია უდესიანს მოუხადონ ბოდიში.

„თქვით სიმართლე, თორემ წარდგებით გვარის შეკრებაზე და იქ მოგთხოვთ პასუხს გვარის შეურაცხყოფისთვის“, - განაცხადა მიხეილ ხარძიანმა.

ანა ხარძიანის თქმით, მამის დაკრძალვის შემდეგ, მან საკუთარ სახლთან ნახა ადამიანი მოპედით და ჩაფხუტით, რის შესახებაც უკვე შეიტანა განცხადება პოლიციაში.

ბესიკ ხარძაინის პირველი ოჯახი მთავრობას მიმართავს, სასწრაფოდ გამოუყონ მათ დაცვა.