ქუთაისის გასასვლელში, დასახლებული პუნქტიდან მოშორებით, ახალი ნაგავსაყრელი მოეწყობა.
ნაგავსაყრელის მშენებლობა, რომელიც მთლიანად იმერეთის, რაჭა-ლეჩხუმისა და ქვემო სვანეთის მოსახლეობას მოემსახურება, 2017 წელს დაიწყება და ერთ წელიწადში დასრულდება. პროექტის ფარგლებში მოხდება ქუთაისის ძველი ნაგავსაყრელის დახურვა. აღნიშნული ინფორმაცია მყარი ნარჩენების მართვის კომპანიის ხელმძღვანელმა პირებმა, იმერეთის რეგიონის, რაჭა-ლეჩხუმისა და ქვემო სვანეთის ადმინისტრაციული ერთეულების წარმომადგენლებს გააცნეს.
რეგიონული ნაგავსაყრელის მშენებლობას მყარი ნარჩენების კომპანია KFW(გერმანიის რეკონსტრუქციისა და განვითარების ბანკი) დაფინანსებით ახორცილებს. პროექტის ღირებულება 26 მილიონი ევროა.