დღეს, 2015 წლის 9 აპრილს ა(ა)იპ ქ. ქუთაისის კულტურულ, სახელოვნებო, საგანმანათლებლო დაწესებულებათა გაერთიანების ფილიალის, დავით მხეიძის სახელობის ფოტო-კინო მატეანეს მუზეუმის ორგანიზებით 1989 წლის 9 აპრილს დაღუპულთა მემორიალთან ფოტოგამოფენა მოეწყო.
ექსპოზიციაზე 1989 წლის 9 აპრილის ამსახველი დოკუმენტური ფოტომასალა იყო წარმოდგენილი.
დაღუპულთა ხსოვნას პატივი მიაგეს იმერეთის მხარის გუბერნატორმა გივი ჭიჭინაძემ, ქ. ქუთაისის მუნიციპალიტეტის მერმა შოთა მურღულიამ და საკრებულოს თავმჯდომარემ დავით დვალმა.