25 მარტს ქუთაისის განათლების განვითარების და დასაქმების ცენტრმა პროექტი „ეროვნული ინტეგრაციის გაძლიერება საქართველოში“ ფარგლებში დაფუძნებული ქუთაისის ახალგაზრდული ცენტრის (KYC) შემაჯამებელი ღონისძიება გამართა. ღონისძებაზე მოწვეული იყვნენ ადგილობრივი ხელისუფლების, პარტნიორი და დონორი ორგანიზაციების წარმომადგენლები, სკოლის დირექტორები.
ღონისძიებაზე ახალგაზრდული ცენტრის წევრებმა წარმოადგინეს პროექტის ფარგლებში მიღწეული შედეგების პრეზენტაციები. ქუთაისის განათლების განვითარების და დასაქმების ცენტრის დირეტორმა ლიკა კილაძემ 10 ორგანიზაციას მადლობის სიგელები და სიმბოლური საჩუქრები გადასცა მჭიდრო თანამშრომლობისათვის.
ქუთაისის ახალგაზრდული ცენტრი - „საქართველოს ეროვნული ინტეგრაციის გაძლიერების“ პროექტის სამოქალაქო აქტივიზმის ახალგაზრდული ქსელის ფარგლებში ჩამოყალიბდა, ქუთაისის განათლების განვითარების და დასაქმების ცენტრის (KEDEC) ბაზაზე.
სამოქალაქო აქტივიზმის ახალგაზრდული ქსელი „საქართველოს ეროვნული ინტეგრაციის გაძლიერების“ პროექტის (ANI) ერთ-ერთი კომპონენტია. პროექტს საქართველოს გაეროს ასოციაცია (UNAG) ახორციელებს პარტნიორ საზოგადოებრივ ორგანიზაციებთან ერთად.