21 მარტს ყოველწლიურად მილიონობით ადამიანი, დაუნის სინდრომის შესახებ ცნობადობის ამაღლების მიზნით, ერთიანდება. სამოქალაქო კლუბ „ჰუმანისტების“ ინიციატივით, ამ აქციას ქუთაისის მე-14 საჯარო სკოლაც შეუერთდა. კლუბის წევრებმა დახმარება სკოლის სპეციალურ მასწავლებელს, მაია გელაშვილს სთხოვეს. აქციის დღეს სკოლის მოსწავლეები, დირექცია და თანამშრომლები ჭრელა-ჭრულა წინდებით გამოცხადნენ სკოლაში, ხოლო დიდ დასვენებაზე სკოლის ფოიეში მოეწყო ხატვა, მათ შორის სპეციალური საგანმანათლებლო საჭიროების მქონე მოსწავლეების მონაწილეობით. ბავშვებმა დახატეს და გამოჭრეს თემის შესაბამისი ნახატები და ულამაზესი სტენდიც მოეწყო.
აქცია სამოქალაქო განათლების პროგრამის „მომავლის თაობის’’ ფარგლებში განხორციელდა.