დღეს საქართველოს პარლამენტმა უზენაესი სასამართლოს თავმჯდომარის პოსტზე კენჭი უყარა პრეზიდენტის წარდგენილ კანდიდატურას,ნინო გვენეტაძეს.
პარლამენტმა 88 ხმით , ერთხმად დაუჭირა მხარი მის არჩევას. დარბაზში მყოფთაგან წინააღმდეგი არც ერთი არ აღმოჩნდა.
"ნინო გვენეტაძე არჩეულია უზენაესი სასამართლოს თავმჯდომარედ, გილოცავთ, შემდეგ ფიცს დადებთ",-განაცხადა პარლამენტის თავმჯდომარე დავით უსუფაშვილმა.
უზენაესი სასამართლოს თავმჯდომარის პოსტზე ნინო გვენეტაძე ათი წლის ვადით აირჩიეს. მისი წინამორბედი კონსტანტინე კუბლაშვილი გახლდათ, რომელსაც უფლებამოსილება თებერვალში ამოეწურა.
უზენაესი სასამართლოს ახლად არჩეულმა თავმჯდომარემ პარლამენტის წინაშე ფიცი დადო. ამით უზენაესი სასამართლოს თავმჯდომარის რანგში მისი უფლებამოსილება ძალაში შევიდა.