ქუთაისის მე-12 საჯარო სკოლაში შედგა პროექტი, რომელიც მიეძღვნა გაზაფხულს და 8 მარტის დღესასაწაულს. მე-8 კლასის მოსწავლეებმა წარმოადგინეს პრეზენტაცია ქვილინგის შესახებ. მათ მიმოიხილეს დეკორატიულ-გამოყენებითი ხელოვნების ის დარგები, სადაც მთავარ მასალას სამუშაოდ ქაღალდი წარმოადგენს და მოახდინეს დეკუპაჟის, ორიგამისა და ქველინგის შედარება, ისაუბრეს მათ საერთო და განმასხვავებელ ნიშნებზე.

მოძიებული მასალის წარდგენა სლაიდშოუს თახლებით მოხდა, რაც კიდევ უფრო საინტერესოს და დამაჯერებელს ხდიდა მოსწავლეთა საუბარს.

გაკვეთილის ყველაზე საინტერესო ნაწილს შეადგენდა მასტერ-კლასი, რომელიც დამსწრეთათვის აჩვენეს მოსწავლეებმა და ამით საკუთარი დამოკიდებულება გაააცნეს, გაუზიარეს გამოცდილებაც.

გამოფენაზე გამოტანილი ფერადოვანი, ყვავილოვანი ორნამენტებით და ფორმებით შექმნილი ნამუშევრები ავლენენ მოსწავლეთა განსხვავებულ გემოვნებას, ხელწერას და ქაღალდის სასურველი მიზნებისათვის დამორჩილების თავისებურ ოსტატობას.