ქალთა საერთაშორისო დღე ქუთაისის მერმა, შოთა მურღულიამ, უხუცეს და შეზღუდული შესაძლებლობის მქონე ქალბატონებს მიულოცა.
შოთა მურღულია 107 წლის ლიდა ლომთაძეს და სოფიო ბანძელაძეს ოჯახში ესტუმრა და 8 მარტი მიულოცა.
ადგილობრივი თვითმმართველობის წარმომადგენლებმა ქალთა დღე ასოციაცია „მოწყალების“ ბენეფიციარებთან ერთად აღნიშნეს. ქალაქის მერმა მათ საჩუქრებიც გადასცა. შშმ პირები აცოციაციაში, ქსოვენ, ქარგავენ, ბისერებზე მუშაობენ და პერიოდულად გამოფენა-გაყიდვას აწყობენ. საქველმოქმედო აქციაში ჩართულობის მიზნით ქართულ-გერმანულმა ცენტრმა მათ საჩუქრად საქსოვი ძაფები გადასცა. ასოციაცია „მოწყალების“ შენობას პანდუსი გაუკეთდა, რომლის მოწყობა ქუთაისის მერიამ დააფინანსა.
წყარო: ქუთაისის მერიის პრესსამსახური