ქუთაისის მერიის შენობაზე დღეს სახელმწიფო დროშა დაუშვეს.
საქართველოს პარლამენტის 2010 წლის 21 ივლისის დადგენილების თანახმად, 25 თებერვალი საბჭოთა ოკუპაციის დღედ არის გამოცხადებული და საქართველოს მთელ ტერიტორიაზე სახელმწიფო დროშები ეშვება.
25 თებერვალი საქართველოს ოკუპაციის დღეა. 94 წლის წინ, 1921 წლის 25 თებერვალს რუსეთის მე-11 არმია საქართველოში შემოიჭრა. დამოუკიდებლობისთვის მებრძოლ იუნკერთა დიდი ნაწილი ბრძოლის ველზე გმირულად დაეცა.