ქუთაისის მერია ელექტრონულ მმართველობაზე გადადის. 

დღეს მერიისა და საკრებულოს,ადამიანური რესურსების მართვისა და განვითარების (HR) განყოფილების თანამშრომლებს ტრენინგი ჩაუტარდათ.

ქალაქის მერის, შოთა მურღულიას განცხადებით, ელექტრონული სისტემა მართვის პროცესს გააადვილებს. 

„როგორც იცით, ქალაქის მერია გადადის ელექტრონული მმართველობის დანერგვაზე. ეს სხვადასხვა სფეროს მოიცავს. ერთ-ერთი არის ე.წ. HR პროგრამის დანერგვა. არის წარმოდგენილი ელექტრონული სისტემა, რომელიც გააადვილებს ამ ყველაფერს. დაახლოებით 4-5 ახალი პროგრამის დანერგვა იგეგმება წლის განმავლობაში. ჩვენ თანამედროვე მართვის სისტემების დანერგვა უნდა მოვახერხოთ,“ - განაცხადა შოთა მურღულიამ.