ქუთაისის მერიაში შესვლის მსურველი შეზღუდული შესაძლებლობის მქონე პირები პანდუსით ისარგებლებენ. მერიის ადმინისტრაციული შენობის წინ შესაბამისი სამუშაოები მიმდინარეობს.
მერიის შენობის გარდა პანდუსის მოწყობა 31-ე და მე-6 საჯარო სკოლებში, ასევე ნიკეასა და ბუხაიძის ქუჩაზე მდებარე იმ საცხოვრებელ კორპუსებთან მოეწყობა, რომელსაც შშმ პირები საცხოვრებლად და სამუშაოდ იყენებენ.
პანდუსების მოწყობას შპს „იმედი“ ახორციელებს. მათი მოწყობა ქუთაისში ეტაპობრივად განხორციელდება.