ქუთაისში რამდენიმე დღის წინ გარდაცვლილი 19 წლის ნანა გიგლემიანის ოჯახმა და ახლობლებმა მორიგი აქცია გამართეს და გზა გადაკეტეს. აქციის მონაწილეები მომხდარის გამოძიებას და ნამდვილი დამნაშავის დაკავებას ითხოვენ.
როგორც გარდაცვლილის დედა რუსუდან ნანავა აღნიშნავს, მისი შვილის მკვლელი ქალია, რომელმაც შეჯახების შემდეგ გოგონა მიატოვა და მიიმალა. მისივე ინფორმაციით, დამნაშავე პოლიციელის ახლობელია, რის გამოც არ აკავებენ.
გარადაცლილის ახლობლები დამნაშავის დაკავებამდე ნანა გიგლემიანის დასაფლავებას არ აპირებენ და ფართო მასშტაბიანი აქციებით და ქუთაისის ცენტრალური გზის გადაკეტვით იმუქრებიან.