რადიო "ძველი ქალაქმა“ ახალი წელი განახლებული პროგრამებით დაიწყო და საინფორმაცის სამსახური მაუწყებლობის ახალ პლათფორმაზე გადავიდა, რაც გულისხმობს საზოგადოების, რიგითი მოქალაქეების, სამოქალაქო სექტორის მეტ ჩართულობას. მეტი აქცენტები გაკეთდება სხვადასხვა სოციალური ჯგუფების პრობლემების ასახვაზე. როგორც რადიოს ხელმძღვანელი აღნიშნავს "ძველი ქალაქის" საინფორმაციო სამსახური მზადაა გააშუქოს ყველა ის საკითხი, რაც საზოგადოებაში აქტუალური და პრობლემურია.
ამავდროულად საინფორმაციო სამსახურს ახალი ხელმძღვანელი ჰყავს. აღნიშნული თანამდებობა ლევან ფანცხავამ დაიკავა, რომელიც წლების განამლობაში გაზეთ „პოსტსკრიპტუმის“ და სააგენტო PSNEWS.GE–ის ჟურნალისტი იყო.