მობილური ტრენინგ-ცენტრის საშუალებით ორგანიზება გაუკეთდა სასწავლო-საინფორმაციო შეხვედრას ჭიათურის  მუნიციპალიტში, რომელსაც საჯარო სკოლის მოსწავლეები, ქალაქში მცხოვრები ახალგაზრდები, ასევე პედაგოგები,  მშობლები და თემში მცხოვრებლები ესწრებოდნენ.  სულ შეხვედრაში 118 პირი მონაწილეობდა.

საინფორმაციო შეხვედრის მიმდინარეობისას განმანათლებლებმა მონაწილეებს ინტერაქტიული მეთოდიკის გამოყენებით  მიაწოდეს ინფორმაცია ცხოვრების ჯანსაღი წესის შესახებ. საზოგადოების თავშეყრის ადგილებში თანატოლგანმანათლებლებმა გაავრცელეს ბუკლეტები თამბქოს, ალკოჰოლიზმის, სქესობრივი გზით გადამდები ინფექციების, აივ ინფექცია/შიდსის, ნარკომანიის, ჯანსაღი კვების, ტუბერკულოზის, ჰეპატიტების საკითხებზე. საჯარო სკოლებს გადაეცათ ცხოვრების ჯანსაღ წესზე მომზადებული სასარგებლო ინტერნეტ რესურსების პოსტერები.

სასწავლო-საინფორმაციო შეხვედრა ორგანიზებული იქნა პროექტის „შიდსის, ალკოჰოლიზმის, ნარკოტიკის  და თამბაქოს მოხმარებისგან თავისუფალი და დაცული ჯანსაღი მომავალი თაობა“ ფარგლებში, რომელსაც ახორციელებს ქუთაისის განათლების განვითარების და დასაქმების ცენტრი,  აშშ საელჩოს  (US Embassy Tbilisi, Georgia)  ფინანსური მხარდაჭერით.