სამოქალაქო განათლების პროგრამის „მომავლის თაობის’’ სამიზნე სკოლის მოსწავლეებისათვის ქუთაისის განათლების განვითარების და დასაქმების ცენტრი პერიოდულად უკეთებს ორგანიზებას შეხვედრებს საინტერესო თემებთან დაკავშირებით.
ერთ–ერთი ასეთი შეხვედრა ხონისა და ქუთაისის პროგრამის სამიზნე სკოლების მე–9 და მე–10 კლასის მოსწავლეებისათვის 28 იანვარს აკაკი წერეთლის სახელმწიფო უნივერსიტეტის ჩაშენებული სისტემების ლაბორატორიაში მოეწყო – პრეზენტაციას „ჩაშენებული სისტემები წერეთლის უნივერსიტეტში“, დოქტორანტები გიორგი ჩაჩუა და თეიმურაზ სახელაშვილი უძღვებოდნენ.
მოსწავლეები გაეცვნენ ,,ჩაშენებული სისტემების ლაბორატორიაში არსებულ რობოტოტექნიკას და ძირითად მოწყობილობას.
სამოქალაქო განათლების პროგრამა „მომავლის თაობა“ ხორციელდება ორგანიზაცია PH International მიერ აშშ-ს საერთაშორისო განვითარების სააგენტოს (USAID)) დაფინანსებით. პროგრამის პარტნიორია ქუთაისის განათლების განვითარების და დასაქმების ცენტრი.