2015 წლის 27 იანვარს წყალტუბოს მუნიციპალიტეტის სოფელ გეგუთის საჯარო სკოლის მოსწავლეებმა პროგრამის  „შიდსის, ალკოჰოლიზმის, ნარკოტიკის  და თამბაქოს მოხმარებისგან თავისუფალი და დაცული ჯანსაღი მომავალი თაობა“ ფარგლებში საინფორმაციო კამპანია გამართეს სახელწოდებით „ნუ მოწევ!“

სპეციალურად ამ დღისთვის მომზადდა პოსტერები და ბროშურები თამბაქოსგან გამოწვეული რისკების შესახებ. საინფორმაციო კამპანიის  მიზანს წარმოადგენდა ახალგაზრდების ინფორმირება თამბაქოს მავნებლობის შესახებ და საზოგადოებრივი თავშეყრის ადგილებში თამბაქოს მოხმარების აკრძალვა.

საინფორმაციო კამპანია  ორგანიზებული იქნა პროექტის „შიდსის, ალკოჰოლიზმის, ნარკოტიკის  და თამბაქოს მოხმარებისგან თავისუფალი და დაცული ჯანსაღი მომავალი თაობა“ ფარგლებში, რომელსაც ახორციელებს ქუთაისის განათლების განვითარების და დასაქმების ცენტრი,  აშშ საელჩოს  (US Embassy Tbilisi, Georgia)  ფინანსური მხარდაჭერით.