სსიპ ქალაქ ქუთაისის №14 საჯარო სკოლის სამოქალაქო კლუბი „ჰუმანისტები“  ჯანდაცვის სამინისტროს საყოველთაო აქციას  „შეაჩერე C ჰეპატიტი“  შეუერთდნენ.

აქციის ფარგლებში სამოქალაქო კლუბის წევრებმა სკოლასა და თემში ჩაატარეს ვიდეოგამოკითხვა თემაზე „რა ვიცით C ჰეპატიტის შესახებ“. გამოკითხვით  დადგინდა, რომ მოსახლეობის ინფორმირებულობა ამ საკითხთან დაკავშირებით  ძალიან დაბალი იყო,  ამიტომ პირველ ეტაპზე  აღნიშნულ თემაზე დაიგეგმა ტრენინგი,  . ტრენინგს  სკოლის ბიოლოგიის მასწავლებელი თინათინ გოჩელაშვილი უძღვებოდა, რომელმაც მოსწავლეებს გააცნო  C ჰეპატიტის გამომწვევი  მიზეზები,ესაუბრა  ორგანიზმში  ინკუბაციის პერიოდსა და დაავადების  თავიდან აცილების გზებზე. განსაკუთრებული აქცენტი კეთდებოდა,  რომ  C ჰეპატიტი განკურნებადია და სტიგმა, თითქოს ამ დაავადების მქონე ადამიანები საშიშნი არიან საზოგადოებისათვის – მითია. ტრენინგი ინტერაქტიული იყო. მონაწილეებმა  ამომწურავი ინფორმაცია მიიღეს ამ დაავადების შესახებ.

აქციის ფარგლებში „ქუთაისის განათლების განვითარებისა და დასაქმების ცენტრთან“ თანამშრომლობით დაიბეჭდა კლუბის წევრების მიერ შექმნილი ფლაერები და დარიგდა სკოლასა და თემში.

სამოქალაქო კლუბი დაფუძნებულია პროგრამის „მომავლის თაობა“ ფარგლებში, რომელსაც ახორციელებს PH International–ი  USAID–ის ფინანსური მხარდაჭერით. იმერეთში პროგრამის პარტნიორია ქუთაისის განათლების განვითარების და დასაქმების ცენტრი.