ქუთაისი C ჰეპატიტის წინააღმდეგ დაწყებულ აქციას უერთდება. 

ქუთაისის მერი შოთა მურღულია, საკრებულოს თავმჯდომარე დავით დვალი, დეპუტატები და კლინიკა LG-ის მედპერსონალი ჯანდაცვის სამინისტროს აქციაში „შეაჩერე C” ჩაერთო. აქციის მონაწილეებმა საზოგადოებას მოუწოდეს, ჩაერთონ „STOP C“-ს აქციაში, რადგან რაც შეიძლება მეტი ადამიანის სიცოცხლე გადარჩეს.

„მივიღეთ გამოწვევა და შევუერთდით ჯანდაცვის სამინისტროს აქციას „შეაჩერე C”. აქცია მიმართულია ერთ-ერთი ძლიერი ვირუსის დამარცხებისკენ. ძალიან მნიშვნელოვანი და აუცილებელი პროგრამა ხორციელდება ჩვენს ქვეყანაში და, რა თქმა უნდა, ადგილობრივი ხელისუფლება თავისი შესაძლებლობის ფარგლებში ჩაერთვება და მიეხმარება ამ პროგრამის განხორციელებას,“ - განაცხადა შოთა მურღულიამ,

კლინიკაში აქციას ჟურნალისტებიც შეუერთდნენ.

შეგახსენებთ, აქციაში ქუთაისის მერი და საკრებულოს თავმჯდომარე PSNEWS.GE-მაც გამოიწვია.