საიტი მუშაობს ტესტირების რეჟიმში
სპონსორი: PSnewsGE
როგორ დაიკლო ჯონ გაბრიელმა 100 კილო დიეტების გარეშე
2014/12/09 10:32:24

2001 წელს ვიწონიდი 182 კილოგრამს. წონის დასაკლებად ვცადე თითქმის ყველა დიეტა, თუმცა ყოველი ჩემი მცდელობა წარუმატებლად მთავრდებოდა. მქონდა სრული ჩამონათვალი მთელი რიგი პროდუქტებისა, რომელთა ჭამაც მეკრძალებოდა. ამის გათვალისწინებით ვიკლებდი რამდენიმე კილოგრამს, მაგრამ დგებოდა მომენტები, როდესაც ვხვდებოდი თავშეყრის ადგილებში, სადაც მიწევდა აკრძალული საკვების ჭამა. ჩემდა საუბედუროდ, დიდი ხნის წვალებით დაკლებულ კილოგრამებს, ისევ ვიმატებდი. უფრო მეტიც - თუ დავიკლებდი 4 კილოს ვიმატებდი ექვსს. ასე გრძელდებოდა 2001 წლის სექტემბრამდე. ამ პერიოდისთვის მე უკვე ვიწონიდი 185 კილოგრამს.

ერთხელაც ჩემს ცხოვრებაში დადგა გარდამტეხი მომენტი, რომელმაც რადიკალურად შეცვალა ჩემი დამოკიდებულება ცხოვრების მიიმართ. მოხდა ის, რომ 11 სექტემბერს, (ტერაქტის დროს) სრულიად შემთხვევით არ აღმოვჩნდი ამერიკის ავიახაზების რეის 93-ზე. ამ ფაქტმა ისეთი შეგრძნება მომგვარა, თითქოს ნასესხები დროით ვცხოვრობდი. მე კი მთელი ეს დრო ვწვალობდი და ვმუშაობდი სტრესულ პირობებში ისეთი სამუშაოზე, რომელიც ძალიან მძულდა. 11 სექტემბერი კი იყო მომენტი როდესაც ვიგრძენი რომ სამყარო მთავაზობდა მეორე შანსს.

ასე რომ, გადავწყვიტე, ერთხელ და სამუდამოდ მიმეტოვებინა გამაწამებელი დიეტები. ამის ნაცვლად დავიწყე ჭარბი წონის გამომწვევი მიზეზის ძებნა. შედეგად - 12 საათი გავატარე პენსილვანიის ბიოქიმიურ უნივერსიტეტში და გამოვიკვლიე თითქმის ყველაფერი, რისი გამოკვლევაც შემეძლო ჰორმონების, ფერმენტების, ნეიროტრანსმისტერების და იმ ქიმიური პროცესების შესახებ, რაც შეიძლებოდა ყოფილიყო მიზეზი ჩემი ჭარბწონიანობისა.

აღმოვაჩინე რომ წონის კლება სულაც არაა დამოკიდებული კალორიების თვლაზე. იგი ექვემდებარება ჰორმონალურ ბალანსს. ჰორმონალურ დარღვევებს კი ძირითადად იწვევს მუდმივი სტრესი და დაძაბული ემოციური ფონი. საკითხი მდგომარეობს ჩვენს ფსიქიკასა, და სულიერ მდგომარეობაში, რომელიც ნათლად აისახება ჩვენს გარეგნობაზე. ორ ნახევარ წელიწადში მოვიკელი 100 კილოგრამი ყოველგვარი მომაბეზრებელი დიეტის გარეშე და რაც მთავარია ვინარჩუნებ იგივე წონას უკვე 10 წელიწადია.



1) მივატოვე დიეტა და დაიწყე ორგანიზმის გამოკვება.



ზემოთხსენებული კვლევის წყალობით შევიტყვე რომ ჩემი ორგანიზმი განიცდიდა ქრონიკულ შიმშილს კონკრეტული საკვები ღირებულებების მიმართ, როგორიცაა ომეგა3-ის ცხიმოვანი მჟავები, ცოცხალი პროდუქტები და მაღალი ხარისხის ცილები.

იმ შემთხვევაში თუ მომინდებოდა (junk foods) ისეთი საჭმელი, როგორიცაა ტკბილეული, ჩიპსი ან პიცა, გადავწყვიტე, ყოველგვარი ყოყმანის გარეშე მეჭამა ისინი. ბოლოს და ბოლოს ყველაფერი ეს ძალიან უგემური მომეჩვენა და უპირატესობა მივანიჭე მაღალი ხარისხირ საკვებს.



2) მივხედე საჭმლის მომნელებელ სისტემას.

ერთერთი მიზეზი იმისა რომ ჩვენი ორგანიზმი განიცდის საკვები ღირებულებების უკმარისობას, არის საჭმლის მომნელებელი სისტემის ფუნქციის მოშლა. ამ დროს ნაწლავები ვერ ახერხებს საჭირო ნივთიერებების ათვისებას. ნაწლავური მიკროფლორის დარღვევა თავის მხრივ იწვევს ჰორმონალურ ცვლილებებს, რომლის შედეგადაც ორგანიზმი ირთვება ცხიმის დაგროვების რეჟიმზე. საჭმლის მომნელებელი სისტემის ფუნქციონირების გასაუმჯობესებლად დავიწყე დიდი რაოდენობით ფერმენტირებული და კულტივირებული საკვების მიღება.საკვებთან ერთად ვსვამდი პრობიოტიკებს და ფერმენტულ მედიკამენტებს.



3) (CAPAP machine) უწყვეტი დადებითი წნევის აპარატი სუნთქვის გასაუმჯობესებლად



ძილის დროს სუნთქვის უკმარისობა არის მდგომარეობა, რომელიც ახასიათებს არაერთ ჭარბწონიან ადამიანს. ეს დაავადება იწვევს ისეთ ჰორმონალურ დისბალანსს, რომელიც აძლიერებს ორგანიზმის მოთხოვნილებას მავნე და ზედმეტად ტკბილი საკვებიბს მიმართ. ამ დროს ორგანიზმში მატულობს კორტიზოლის დონე, ხოლო ინსულინის გამომუშავება შეფერხებულია.

ის ადვილად იკურნება უწყვეტი დადებითი წნევის აპარატით. ამ აპარატით ხდება ჟანგბადის ჩაბერვა ცხვირის გავლით, ხოლო ნახშირორჟანგის გამოდევნა - პირის მეშვეობით ღია სასულედან. ასე რომ თქვენ შეგიძლიათ მშვიდად იძინოთ მთელი ღამე პრობლემების გარეშე.

ხალხის უმეტესმა ნაწილმა, ვისაც ეს პრობლემა აწუხებს, არცკი იციან ამის შესახებ. თუმცა მათ უნდა იცოდნენ ეს, რადგან ამ დაავადების მახასიათებელი არის ძლიერი ხვრინვა. აღმოჩნდა რომ, პირადად მე მაქვს ამ დაავადების ისეთი ფორმა, რომელიც ჩემი ძილის კვლევის ტექნიკოსების პრაქტიკაში ჯერ არასდროს ყოფილა. აღნიშნული აპარატის მოქმედების ეფექტურობა ვიგრძენი მისი გამოყენების მომენტიდან: შემიმცირდა მანიაკალური მოთხოვნილება უსარგებლო ტკბილეულის მიმართ და მთელ სხეულში ვიგრძენი ენერგიის მოზღვავება. წონაშიც შესამჩნევად ვიწყე კლება.





4) (Mind Body) პრაკტიკა სტრესის შესამცირებლად

როგორიცაა ზემოთხსენებული მაგალითები: სუნთქვის შეფერხება, მუდმივი სტრესი და დაძაბული სულიერი მდგომარეობა, ქმნის უარყოფით ემოციურ ფონს, რომელიც თავის მხრივ სხეულს უბიძგებს წონის მატებისაკენ.

ბევრი ადამიანი ვერ აცნობიერებს თუ რაოდენ მნიშვნელოვანია მიმართოს იმ მეთოდებს, რომლებსაც შეუძლიათ სტრესის შემცირება. პირადად მე მივმართე მედიტაციას. ყოველ დილით ვმედიტირებ და ვიყენებ წარმოსახვით მეთოდს, რომელიც მეტისმეტად ეფექტური ხერხია სტრესის შესამცირებლად.



5) შევიქმენი მეტ-ნაკლებად მდგრადი ცხოვრება

აღსანიშნავია რომ შევამცირე ხარჯები. გამოვიცვალე საცხოვრებელი სახლი და გადავედი ჩემთვის უფრო ხელსაყრელ პირობებში. დავიწყე მოსავლის მოყვანა. ახლა მიხარია რომ, ნებისმიერ დროს როდესაც შიმშილს ვიგრძნობ, შემიძლია გავიდე სახლის უკანა ეზოში და დავნაყრდე რაიმე ახალი და ჯანსაღი პროდუქტით. ასე რომ თავს ძალიან მშვიდად ვგრძნობ და სტრესული სიტუაციები ზიანს ვეღარ აყენებენ ჩემს ფსიქიკას თუ სხეულს.



6) ასე მნიშვნელოვანი ემოციონალური საკითხი

ბევრი ადამიანი იტანჯება ჭარბწონიანობით. მეც ძალიან მაწუხებდა ეს პრობლემა, მაგრამ გავაანალიზე რომ უნდა დავკვირვებოდი ემოციონალურ საკითხს. მე დავიწყე ვიზუალიზაცია,წარმოსახვითი პრაქტიკა, რაც ძალიან დამეხმარა წარსული ტრავმების აღმოფხვრაში.

დროთა განმავლობაში, აღმოვაჩინე რომ კლიენტების 60-70 %, ვისთან ერთადაც მე ვმუშაობ, წონას იყენებენ როგორც პროტექციას, დაცვის ინსტიქტს. მე ამას ვეძახი "ემოციურ სიმსუქნეს". როდესაც აანალიზებ ამ საკითხს და ამსხვრევ ასოციაციას - სიმსუქნე = დაცვას, ორგანიზმს უადვილდება წონასთან ბრძოლა და თავისით იწყებს ცხიმის მოშორებას.



7) ორგანიზმის გაწმენდა ტოქსინებისაგან

მას შემდეგ რაც დავიკელი 81 კილოგრამი, დავიწყე კვლევა ორგანიზმში არსებული ტოქსინების და შხამქიმიკატების შესახებ. აღმოჩნდა რომ, ამ მავნე ნივთიერებების შესანახად ორგანიზმი სწორედ ცხიმის უჯრედებს იყენებს. მივედი დასკვნამდე რომ ჭარბწონიანობის ერთერთი მიზეზი იყო ცხიმის მატება ტოქსინების დაგროვების მიზნით. ამიტომ დავიწყე ორგანიზმის გაწმენდა მავნე ნივთიერებებისგან. ჩემი სხეული გავაჯერე ტუტე სითხეებით, როგორიცაა, წყალი ვაშლის ძმრით ან ლიმონით. დავიწყე კვება მწვანილით და ბოსტნეულის სალათებით. ეს მეთოდი ძალიან სწრაფად და ეფექტურად ამუშავდა, რადგან ტოქსინებისგან გაწმენდის პროცესში უფრო სწრაფად დავიკელი წონაში.

ყველა ზემოთ მოყვანილი მაგალითი, არის საკმაოდ საღი და ეფექტური მეთოდი ჭარბწონიანობის პობლემის მოსახსნელად.

ახლა მე ვთანამშრომლობ ათობით ათას ადამიანთან მსოფლიოს 60 ქვეყანაში. ვუზიარებ მათ ჩემს გამოცდილებას და გვაქვს გასაოცარი შედეგები სიმსუქნესთან ბრძოლაში. ჩემი მეთოდით არაერთი ადამიანი იკლებს წონაში 22, 45, 80 კილოგრამს დიეტის გარეშე მხოლოდ ამ კონკრეტული ფორმულის გამოყენებით.





ავტორის შესახებ



2001 წელს ჯონ გაბრიელი იწონიდა 185 კგ-ს. მან სცადა თითქმის ყველა პოპულარული დიეტა, რომლებიც წარუმატელი აღმოჩნდა. წონასთან ნებისმიერი შებრძოლება მარცხით სრულდებოდა. მეტიც, ის უფრო და უფრო იკრებდა კილოგრამებს. ამას თან ერთვოდა უმძიმესი სამუშაო პირობები და სტრესული მდგომარეობა. ჯონი თავს უბედურად გრძნობდა და მზად იყო ფარხ-ხმალი დაეყარა რომ 2001 წლის სექტემბერში მან მიიღო ე.წ. გამომაფხიზლებელი ზარი: ის სრულიად შემთხვევით არ იმყოფებოდა იმ თვითმფრინავში (რეისით ნევარკი (ნიუარკი) - სანფრანცისკო), რომელზეც განხორციელდა ტერაქტი და ჩამოგდებულ იქნა პენსილვანიაში. არავინ გადარჩენილა.

ჯონმა გააანალიზა რომ სიცოცხლე იყო ძვირფასი შესაძლებლობა, რომელიც ფუჭად და უიმედოდ არ უნდა გაეხარჯა. იმასაც მიხვდა რომ წონის მატება ერთხელაც ბოლოს მოუღებდა მას. სწორედ ამიტომ მან დაისახა მიზნად გაეკეთებინა ის, რაზედაც ზემოთ ვისაუბრეთ.

მომდევნო ორნახევარი წელი ჯონმა 80 კილო დაიკლო დიეტის, მედიკამენტების და ოპერაციული ჩარევების გარეშე. იგი საბლოოდ განიკურნა სტრესისაგან და დაიწყო ისეთი ცხოვრება როგორზეც ოცნებობდა. მისი წიგნი "The Gabriel method" არის საერთაშორისო დონის ბესტსელერი. ნათარგმნია 14 ენაზე და ჰყავს 350 000-მდე მკითხველი მსოფლიო მასშტაბით.

მეტი ინფორმაციისათვის შეგიძლიათ ესტუმროთ ვებ-გვერდს: www.TheGabrielMethod.com



წყარო: http://www.dainteresdit.ge/

'.$TEXT['print'].'
სულ ნანახია - 1817
სხვა ამბები
ბოლოს იხილეს
მსგავსი სიახლეები
დამზადებულია Pro-Service -ის მიერ
© PSnews 1995 - 2019 საავტორო უფლებები დაცულია