საიტი მუშაობს ტესტირების რეჟიმში
სპონსორი: PSnewsGE
"გუბერსკი-ხელოვნება ჩაკეტილ სივრცეში" -გამოფენა ქუთაისის ყოფილ ციხეში
ავტორი: ჟანა ჯანელიძე
2014/11/20 19:30:58

ქუთაისის გუბერნიის ყოფილ ციხეში, საერთაშორისო სახელოვნებო პროექტის "გუბნერსკი-ხელოვნება ჩაკეტილ სივრცეში" გამოფენა  გაიმართა.


ქუთაისის გუბერნიის ყოფილი ციხე, რომელიც მეცხრამეტე საუკუნის მეორე ნახევრიდან ფუნქციონირებდა,  2005 წლიდან დაკეტილია.


დღეს ყოფილი ციხის კედლები კი ქართველ და უცხოელ ხელოვანთა ნამუშევრებით გაცოცხლდა. მხატვრებმა უკვე ნახევრად დანგრეული ოთახები სხვადასხვა ნახატებითა თუ ქანდაკებებით შეამკეს.


 

"2010 წელს, როდესაც პირველად მოვხვდი გუბერსკის  ტერიტორიაზე, ბერლინში ინსტალაცია ვაკეთებდით საკნების კარებებით . მაშინ დამებადა იდეა, რომ იქ ქართული კარებიც ჩაგვეტანა. გავიგე, რომ ქუთაისში  2005 წელს დაკეტეს ციხე და შესაძლებელი იყო იქ რამე გაგვეკეთებინა. როცა ვნახე ეს ადგილი ძალიან დავინტერესდი, აღფრთოვანებას ვერ ვმალავდი, თუმცა საკმაოდ იყო ჩამონგრეული და დიდი ძალისხმევა დაგვჭირდა აქაურობის მოსაწესრიგებლად. აშკარააა რომ ეს შრომა ღირდა. ეს ადგილი იქნება  თანამედროვე ალტერნატიული ხელოვნების ცენტრი, აქვე იცხოვრებენ ხელოვანები, შეიქმნება საგამოფენო სივრცე...4 წლის წინ მზადება დავიწყეთ ამ ადგილის მოსაწესრიგებლად თებერვლიდან კი აქტიურად შევუდექით გამოფენისთვის მზადებას. ხელოვნება ჩაკეტილ სივრცეში მოიცავს ყველაფერს, რაც მნიშვნელოვანია. დღეს ვაჩვენებთ როგორი იყო ციხე ისტორიის სხვადასხვა ეტაპებზე. ვეცდებით გავაცოცხლოდ პატიმართა პირობები, მათი პრობლემებით, პრივილეგიებით და ა.შ."-განაცხადა გამოფენის ორგანიზატორმა , მხატვარმა გოჩა გულელაურმა.


გამოფენაში ქართველ ხელოვანებთან ერთად 6 ქვეყნის ხელოვანები მონაწილეობდნენ.


 

ორგანიზატორების განცხადებით, გამოფენა "გუბნერსკი-ხელოვნება ჩაკეტილ სივრცეში" 30 ნოემბერს გრანდიოზული ცერემონიით  დაიხურება. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 


'.$TEXT['print'].'
სულ ნანახია - 2902
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2020 საავტორო უფლებები დაცულია