გამოსახლების მორიგი ფაქტი ქუთაისში, ჭავჭავაძის №9 ბინაში, აღსრულების ეროვნული ბიუროს წარმომადგენლებმა ხორგუების 5-სულიანი ოჯახის საცხოვრებელი ნივთები სადარბაზოში გამოიტანეს.
ხორგუებს სამი მცირეწლოვანი შვილი ჰყავთ, ოჯახი სოციალურად დაუცველია.
ერთი წლის წინ ოჯახმა ნათესავის გამო ბინა იპოთეკით დატვირთა, 6000 დოლარმა, დარიცხული პროცენტით, 10 000 დოლარი შეადგინა, ამ ეტაპზე ხორგუების ბინას სხვა მეპატრონე ჰყავს. როგორც გამოსახლებულებს აუხსნეს, მათი ბინა აუქციონის წესით გაიყიდა. ოჯახს წასასვლელი არსად აქვს.
იპოთეკით დაზარებული ოჯახები დღეს პარლამენტის შენობის წინ მორიგ აქციას გამართავენ.