დღეს, ქუთაისში ქალთა მიმართ ძალადობა დაგმეს.

მედიისა და სამოქალაქო სექტორის წარმომადგენლებმა ქალაქის ცენტრალურ ბულვარში ბოლო დროს ქალების მიმართ განხორციელებული ძალადობა დაგმეს და გამართეს აქცია სლოგანით: "არ იძალადო ქალზე".

"საქართველოში ძალიან გახშირდა ქალთა მიმართ სხვადასხვა ფორმით გამოხატული  ძალადობა, სწორედ ამის წინააღმდეგ გამოვდივართ ქუთაისში მცხოვრებლები, ჩვენ ვგმობთ ყველა სახის ძალადობას განსაკუთრებით კი თუ ძალადობა ქალბატონების მისამართით ხორციელდება,“- განაცხადა ქეთევან ბერძენიშვილმა.

აქციის მონაწილეებს იმერეთის ვიცე-გუბერნატორი სალომე იობიძეც შეუერთდა.