ქუთაისის მერმა შოთა მურღულიამ მუნიციპალიტეტის ბალანსზე არსებული ფოლკლორის ცენტრის სარეაბილიტაციო სამუშაოები დაათვალიერა. შენობის რეაბილიტაციისთვის ადგილობრივი ბიუჯეტიდან 140 ათასი ლარი გამოიყო.
მთლიანად გაკეთდა შენობის ფასადი, შესასვლელის ცენტრალური ფოიე, შენობის მარჯვენა ნაწილი და საკონცერტო დარბაზი. სამუშაოები 6 თვის მანზილზე მიმდინარეობდა. ქალაქის მერი ფოლკლორის ცენტრის ხელმძღვანელს და დასსაც შეხვდა.
ფოლკლორის ცენტრის ხელმძღვანელი ზეინაბ ბურჯანაძე ამბობს, რომ სამუშაოები ხარისხიანად მიმდინარეობდა და გაკეთდა ის, რაც წლების მანძილზე მოუწესრიგებელი იყო.
„ფოლკლორის ცენტრის რეაბილიტაცია განხორციელდა სტანდარტების შესაბამისად. ეს არის მაგალითი იმისა, თუ როგორი პროფესიული ხარისხით უნდა შესრულდეს სამუშაოები. მნიშვნელოვანია მუნიციპალიტეტის საკუთრებაში არსებული შენობები დროულად მოწესრიგდეს,“-განაცხადა შოთა მურღულიამ.